Latest News

सिक्लेस माघे सक्रान्ति मेला सम्पन्न बास्केटबलमा ताङतिङ, भलिबलमा घ्याम्राङ र घान्द्रुकलाई उपाधि

हुम तमु

पोखरा, ४ माघ

कास्कीको पर्यटकीय, तमुहरुको ऐतिहासिक गाँउ सात सय सिक्लेस, युवा क्लवको २२ औं वार्षिक साधारण सभा तथा सिक्लेस माघे सक्रान्ति मेला मंगलवार सम्पन्न भएको छ ।

मेलामा आयोजित बास्केटबल प्रतियोगितामा घान्द्रुक ब्वाइज बुल्स टाउनलाई पराजित गर्दै ताङतिङ ए ले उपाधि जितेको छ । विजेता ताङतिङले ४० हजार रुपैया र उपविजेतामा चित्त बुझाउनु परेको घान्द्रुकले ३० हजार रुपैया सहित ट्रफी, मेडल, प्रमाणपत्र सहित पुरस्कृत भए ।
यसरी नै पुरुष भलिबलमा संरक्षण युवा क्लव घ्याम्राङले आयोजक सिक्लेस युवा क्लवलाई पराजित गर्दै उपाधिसहित नगद ४० हजार रुपैया र द्धितिय भएको सिक्लेस ३० हजार रुपैया सहित ट्रफी, मेडल, प्रमाणपत्र सहित पुरस्कृत बन्यो ।

यसरी नै महिला भलिबलको उपाधि घान्द्रुक ब्वाइज पोखराका महिला समुहले जित्यो भने फाइनलमा पराजित बन्दै पुन क्लवले उपविजेतामा चित्त बुझाउनु पर्यो । विजेता घान्द्रुक १५ हजार रुपैया, उपविजेता पुन क्लव १० हजार नगदसहित ट्रफी, मेडल, प्रमाणपत्र सहित पुरस्कृत भयो ।
विजेता खेलाडीहरुलाई समापन कार्यक्रमका प्रमुख अतिथि बुद्धिजिवी सुरजकुमार तमुले पुरस्कार वितरण गर्नुभएको थियो ।

यसैगरी मेलामा महिलाहरु विच आयोजित ह्याकुचेमा वर्षा विक प्रथम, टौसुवा विक दोश्रो र बबिता सुनार तेश्रो भइन भने म्युजिकल चियरमा निसा तमु प्रथम, गीता नेपाली दोश्रो र खुशीमाया विक तेश्रो हुदै पुरस्कृत भईन । यसरी नै खुल्ला एकल हाजिरीजवाफमा सिक्लेस ५ की पुष्पा तमु र मकै गन्ने खेलमा हार्पुथरका तेज तमु विजयी हुदै पुरस्कृत भए । विजयीहरुलाई प्रमुख अतिथि सुरजकुमारी तमु लगायत अतिथिहरुले पुरस्कार वितरण गर्नुभएको क्लवका पुर्व सचिव देवीजंग तमुले जानकारी दिनुभयो ।

समापन कार्यक्रम क्लवका अध्यक्ष तिलमान तमुको अध्यक्षतामा सम्पन्न भएको थियो ।
फाइनलका लागि तेश्रोदिनको खेलमा सेमिफाइनलमा ताङतिङ सी लाई पराजित गरेको थियो । यसरी नै सेमिफाइनलमा प्रवेश गरेको घान्द्रुक ब्वाइज बुल्स टाउन र खिलाङको विजेताले उपाधिका लागि ताङतिङ ए सँगै फाइनलमा खेल्ने भएको छ । क्वाटरफाइनमा घान्द्रुक ब्वाइज बुल्स टाउनले एक्स ताङतिङ र खिलाङले ताङतिङ डि लाई पराजित गरी सेमिफाइनलमा प्रवेश गरेको थियो ।

यसरी नै पुरुष भलिबल प्रतियोगिताको क्वाटरफाइनमा सोंधालाई पराजित गर्दै घ्याम्राङ, सिंगापुरेलाई पराजित गर्दै खिलाङ, तप्राङ ए लाई पराजित गर्दै सिक्लेस सी र घ्याम्राङ बी लाई पराजित गर्दै चिप्ली सेमीफाइनलमा प्रवेश गरेको छ ।

यसैगरी महिला भलिबलमा पुन क्लव पोखरा, घान्द्रुक ब्वाइज पोखरा र अन्नपुर्ण मावि सिक्लेस सेमीफाइनलमा प्रवेश गरेको छ । पुन क्लवले सेन्चुरी घान्द्रुकलाइ र घान्द्रुक ब्वाइज पोखराले सोंदालाई र अन्नपुर्ण मावि सिक्लेसले सिक्लेस बी लाई पराजित गर्दै सेमिफाइनलमा प्रवेश गरेको छ ।

बास्केटबल र पुरुष भलिबलमा विजेता र उपविजेतालाई ४० हजार र ३० हजार रुपैयासहित ट्रफी मेडल, प्रमाणपत्रसहित पुरस्कृत हुने भएको छ भने महिला भलिबलमा प्रथमलाई १५ र दोश्रोलाई १० हजार रुपैया सहित पुरस्कृत गरिने भएको छ ।

Be the first to comment

Leave a Reply

Your email address will not be published.


*